عاشورای حسینی در کلیبر
+ نوشته شده در پنجشنبه نهم دی ۱۳۸۹ ساعت ۹ ق.ظ توسط مهمان آقایی
|
کندین قدیم رسم لری
چوللردن قیداخ کند آراسینا
قولاق آساق قوجالارون سسینه
باخاق اولارون شوقینه هوسینه
گور نه گوزل اولار دییب گولوللر
دییب گولما خلقین قدرین بولوللر
کاظمین پینه سی دوتسا بیرینه
بیرخام آدام تاپوپ سالسا گیرینه
یا دوشه سن مش اسماعیلین الینه
مثل دیوب محکوم ایدنلر سنی
یا که قویوب چوپ اویناداللرسنی
تویدا جوانلارین چپی چالماسی
میر مجیدین جالمانی دوندورماسی
یاکاظمین بند الوب گولدورماسی
گورمه لییدی چوخ لذتی وارییدی
غمدن اوزاقیدی دمه سارییدی
اشاره ایلیاخ بیر نچه بتده
بایرام رسمیده چوخ گوزلدی کتده
بایرامدا جوانلار چیخالا مرته
هره سی الینده رهلی یومورتا
سحرده ن اوینالا تا به گونورتا
کندین عجب سووملی قایداسی وار
دام باجادا توت ورومون سسی وار
دسته دسته اولوب ایولری گزر
محبت رونقی هر ایوی بزر
گوروشوب چای ایچیب تبریک ایدر لر
بیر آز دیوب گلوب دوروب گیدر لر
چرشنبه ده داملارا جیز چکرلر
اود یاندریب الاو اوستن کچرلر
اوشاقلار آتلیب دوشوب قاچالار
گوره سن اوشاقلارین عداسی ندور
اوینیوب گولماقین صفاسی ندور
اوشاقلار دولانیب بایراملوق ایستر
یومورتا شیرینی یا که پول ایستر
گیجه باجالاردان شال ساللیالار
ایوده کی لار مطلبی آنلیانلار
بایراملیقی دوگون نللر او شالا
گوزلدی بو قایدا گرک حفظ اولا
بیر آز قدیم تویدان صحبت ایلیاق
گوردوقوموز قدر سیزه سویلیاق
گلینین آتاسی بگین آتاسی
صحبت ایدوب رضایته چاتاسی
بش مانوت پول بیر کله قند بیر مولا
مبارکدی دییر دیلر انشالله
توی باشلاردی چالیبان اویناردیلار
سماورلر حیاتدا قیناردیلار
توی قوناقی گلردی دسته دسته
هره سی اگلشمیش کهلان آت اوسته
عاشیق کریمین گوزل ساز چالماسی
بیگ گلینه آلما ناری آتماسی
آواکین زرناسی عباسین سسی
ایشیده نه گتیراردی هوسی
قدیم تویون تماشاسی چوخیدی
اویناماقا چوخلارا وقت یوخیدی
حسین دونبک چیدور عینی بالابان
سیندریردی فاطمه نسا خالاجان
هامولیقجا داماقیمیز چاقیدی
چوخ آداملار اولمه میشدی ساقیدی
الله! ! کچن کیفیمیزی کیم آلدی
غم بیزی چولقادی کف کیمه قالدی
بوجور اولسا بو درد بیزی یخاجاق
غصه یماقدان جانیمیز چخاجاق
فیروز یازما سوز چکیری اوزونا
امید باقلا بیر آلاهین اوزونه
گلن گونلار انشالله خوش گله جاق
اورکلر آچلیب دوداق گوله جاق 
+ نوشته شده در شنبه بیست و دوم آبان ۱۳۸۹ ساعت ۶ ب.ظ توسط مهمان آقایی
|
آنا یوردوم اسگلو(اشینی کش)چشمه ولی عصر
آنا یوردوم اسگلو
آنا یوردوم چوخ سورم من سنی
من بیلیرم سنی عمروم گلشنی
نیه اوزاقلادون اوزندن منی
سنسیز یاشاماقین نه وفاسی وار
هچ کس گوروم آیریلماسین ایلیندن
هچ بولبولی قوولماسین گولوندن
بیرلحظه ده آدون دوشمز دیلیمدن
وطن سیز انسانون نه بقاسی وار
وطنیمی افتخاریم بیلرم
وطنیم عشقیله دیوب گولورم
آنا یوردوم سندن اوتری اولورم
سنده یاشا ماقین نه صفاسی وار
وطن ارزشلیدیر دروگوهردن
یاقوتدان مرجان نان زروزیوردن
وطن شیرین اولار منه هر یردن
وطنسیز بولبولون نه نواسی وار
اشینی کش سنین اوزون بویون وار
جنگلین چمنین سرین سویون وار
اوتووی اوتلیان دسته گویون وار
سنه یتشماقین نه بهاسی وار
یولاروون دونگه سی وار دوزی وار
دوزلرینده سوری سوری قوزو وار
بهارینده هامولارین گوزی وار
قزلار تقی داغی نه هواسی وار
باباقشلاق لزیر محموددره سی
چیه لگی گل یارپزی تره سی
روح وریر باخدوقجا منه هره سی
سندن ال چکنین نه وفاسی وار
گوزه لی بولاقون هاشم خان یوردی
باش برازا مهری بیرده خان یوردی
دگیرمان قاباغی زامبالان یوردی
هره سینین میلیونلر بهاسی وار
شاهلار گلوب ایچوب سرین سویووی
قدم وروب دولانوب ان بویووی
منده بیراز ایچدوم گوزل سویووی
هرمریضه سویوون شفاسی وار
بدل یوردی کفشن او یوقوش باشی
گزیب گورمه لیدی کلنین داشی
زمی لرین شاقاناسی خشخاشی
اسگلونون نه گوزل صفاسی وار
قره لی میری لی دره سی چوخدور
هچ یر اولکه میزین اوستینه یوخدور
قوناغا حرمت چی گوزلری شوخ دور
قوجالارون سوزی پر معناسی وار
گونگی قشلاقی یا سایجان باغی
گوزلدی دره سی دوزلری داغی
سحری ناهاری یا آخشام چاغی
هروقت ده سن چوخ مطلوب هواسی وار
همزه ی زمی یا کی دیوان تخته سی
ایچن بیلر یل سویونون مزه سین
تعریف لیوب آخان چایون چشمه سین
گوره ن دیوب به به نه صفاسی وار
پناهگاهدی گوزل انگیل دره سی
ایتمیوبدور اوجاقلارون قره سی
تو که بره یا کی و شن دره سی
هاموسی گوزلدی چوخ بهاسی وار
بابالوم دوله سی بایرام تخته سی
موندورونی حسنعلی دره سی
یمه لیدی قویونوون کره سی
قوزالارون نه گوزل نواسی وار
جوانلاری سروقدلی اوسگلو
دشمن قاباقیندا سدلی اوسگلو
ال لرده سایولان آدلی اوسگلو
نغمه خوان مداحین خوش صداسی وار
فیروز یازیر افتخارلی وطنیم
دشمنین گوزنده خاردی وطنیم
چای چشمه لی آبشارلی وطنیم
وطنده هر دردین دواسی وار
+ نوشته شده در چهارشنبه نوزدهم آبان ۱۳۸۹ ساعت ۱۰ ق.ظ توسط مهمان آقایی
|